Pa-O Update

တွူႏထန်ႏခန်းသွော့ ******************* * ကွပ်ထွားလွဉ်ꩻငါႏ   နမ်းတွက်တာႏတဲင် ရပ်ရာႏဒုံဆောင်ႏ    ထာꩻမာꩻအောင်ႏတဝ်း  ဝါႏဖေါင်ႏပြုဲင်လီ    သွုမ်ꩻကုဲင်ထီကိုအတွိုင်ꩻ။ * ကွပ်ထွားလွဉ်ꩻငါႏ နမ်းတွက်တာႏတဲင် အွိုင်ႏဒျာႏထာꩻမာꩻ   အောင်ႏတဝ်းညာꩻတွော့ꩻ စွုမ်ႏဖြာꩻအဝ်ႏခံ   စံႏဗော့ꩻခြံကိုအတွိုင်ꩻ။ * ကွပ်ထွားလွဉ်ꩻငါႏ  နမ်းတွက်တာႏတဲင် ဝေင်ꩻဒျာႏကိုယင်   မွကေန်ꩻဖြန်တွော့ꩻ နွူႏသန်ပမာႏ    ကဝ်ႏမွူးဗာႏအတွိုင်ꩻ။ * ကွပ်ထွားလွဉ်ꩻခွိုꩻ   နမ်းတွက်ကျိုꩻတွော့ꩻ လိုꩻမျိုꩻရန်းခါ လဲဉ်းဆုဲင်ꩻပါတဲင် ယိုခါပြောင်ꩻခန်း  သꩻဓာတ်ညံးတွော့ꩻ မာꩻခန်းမျာꩻတာႏ        မဲဉ်တဲက်တွန်ꩻ။ * စွဉ်ꩻခါႏနမ်းကျိုꩻ   ထွားမျာꩻလိုꩻမꩻ အငိုꩻသမဲင်ꩻ    အီႏစွမ်သဲင်ꩻတဲင် အာႏရဲင်ꩻရွဉ်ဉာဏ်ႏ   လူႏဝွေႏဖန်ႏထထွူ တွူႏထန်ႏခန်းသွော့  " အတ္တ"ဖွေါင်ꩻ။ ကဗျာဆရာႏ - ကုမုဒ ( ဖြဝ်ꩻခမ်းကူ) #PaOUpdate

ဆဲသား ********* - အုံတွမ်ႏထာꩻထင်း ပျောႏတွမ်ႏထာꩻအင်း တနီꩻထွူတနီꩻ လိုꩻအခမ်း။ - တပတ်ထွူတပတ် အဝ်ႏထင်းတငါငါ တလာထွူတလာ အဝ်ႏရေႏတေားတေား။ - ဝင်ꩻမဉ်ႏကေပ်ခွယ်ꩻ ရိုꩻရွဉ်အဲဉ်ထဝ်း မဉ်ႏတောႏဆဲးနဝ်ꩻ တလောက်ꩻကာႏတဝ်း။ - လံးသားမဉ်ႏနယ်ꩻ ဝွေꩻသံးဟွိုက်ချာ ပိုမာမဉ်ႏနယ်ꩻ ဝွေꩻသံးခွန်းထဲင်း။ - ကေန်ꩻသွူမꩻ လꩻနောင်ႏတ မွထွူမꩻ လꩻသံႏဝွေႏ။ # PaOUpdate ကဗျာဆရာႏ - ခွန်ထွန်းလှ - ဟိုပုံꩻ

  တယ်ႏယိုမာꩻငါ လိုပ်ꩻမွုန်းယာ ***************************** - ကွပ်ပွိဒးလိုပ်ယာ ကျိုꩻကုဲင်အာငါႏ တခြာသေင်ႏဝါႏ နီသုံꩻတာႏယို ထူႏဗာႏအွိုးမုဲင်ꩻ တွိုႏဆုဲင်ꩻဆုဲင်ꩻ - ကွပ်ပွိုးလိုပ်ꩻယာ ကျိုꩻကုဲင်အာငါႏ အွဉ်ႏထွာညိႏတူႏ ဖြွမ်းလွောင်ႏဗူႏလဲ့ အုဲင်ႏထူႏခြွဉ်းဒွုမ် စွုမ်ႏဒုံဒုံ။ - ကွပ်ပွိုးလိုပ်ꩻယာ ကျိုꩻကုဲင်အာငါႏ ခွိုက်ပါပညာႏ သာႏသနာႏရေꩻ ခွိုက်လွေꩻမွေးမုဲင်း ယူးထွားဟုဲင်း။ - မွေးတမွေးတဝ်း ကဲဉ်းယူႏကဝ်းချာ အာငဝ်းထေင်ညင်ꩻ ကရွို့ꩻဝင်ꩻလဲ့ အဝ်ႏရင်ꩻကဲဉ်းအာ ပွိုးလိုပ်ꩻယာ။ - ရိမ်ဝင်ꩻဟံႏယာႏ တွိုꩻထင်ႏဗာႏရွုမ်ꩻ နဝ်ꩻဒျာႏလဲ့ဟွုန် စွုမ်ႏဒုံဒုံရင်ꩻ လိန်းလွုမ်ꩻလဲင်ꩻထွာ ပေးဖြားဒုံ။ - ကွပ်ပွိုးလိုပ်ꩻယာ ကျိုꩻကုဲင်အာငါႏ လိုပျꩻခြာသါော့ဝငျꩻ ရီးရီးတှငျꩻကို နီရ်ငꩻလိုပ်ꩻသေႏ ဖက်ခေါ်နွေႏအေင် ဗသေင်ပြောင်ႏဗွူ စတဲင်သွူနေား။ ဖူးဝေးပအိုဝ်ႏစွိုးအာ အင်တာနဲက်လောင်းကီ ယံကဟော်ꩻထွားနွောင်ꩻအီ နီသွဉ်းသီး PaO Update အစွိုꩻ တဲမ်းကူꩻဒင်ႏပျလွေꩻနယ်ဗာႏ နုဲင်းယိုသွူဩ။   ကဗျာႏကေားတဲမ်းသား - ခွန်သယ်ႏခံႏ၊ နန်းထာ။ # PaOUpdate